الفرق بين النسختين بتاع: «دليلى احتار»

▲تغيب عني وليلي يطول ..

▲أقول امتى أنا وأنت حنتقابل مع الأيام ؟!

▲ولما القرب يجمعنا .. أفكر في زمان بعدك

▲وأخاف يرجع يفرقنا .. وأقاسي الوجد من بعدك

▲ويوم ما ألقاك قريب مني .. وأقول البعد تاه عني

▲أشوف عينك تراعيني .. وقلبي من لقاك فرحان

▲وأشوف بينك وبين عيني .. خيال البعد والحرمان !

▲وأخاف لتفوت ليالينا .. وأهيم في بحر أشجاني

▲وتتبدد أمانينا .. وأقاسي البعد من ثاني !

▲دليلي احتار وحيرني !

▲أخاف في البعد توحشني .. وأخاف في القرب تتركني !

▲قريب مني تناجيني .. وطيف بعدك مخايلني ..

▲بعيد عني تناديني .. ومين يقدر يوصّلني !

▲لا أنا باصبر على بعدك لحد عينيه ما تسلم ..

▲ولا بفرح في يوم قربك وأخلي الفرحة تتكلم ..

▲دليلي احتار وحيّرني !

▲أنام وألقاك .. وأعيش وياك !

▲وآخر طيف أشوف أنت ...

▲يا ريتك فجر في عيوني .. أنام وأصحى على فرحة

▲أول صورة أشوفها أنت ...

▲وبين صورتك وبين طيفك أعيش و القلب متهني ..

▲مش أفضل كل ما أشوفك أخاف ترجع تغيب عني !